Құпиялылық және лицензиялар
Соңғы өзгеріс: 2026-10-29
Біз кімбіз
GoUMRA — қажылар мен умра топтарының гидтеріне арналған қосымша. Деректерді өңдейтін: GoUMRA. Агенттік тобында болсаңыз, сол агенттік (туристік компания) де сіздің деректеріңізді көреді және өз клиенттері үшін жауап береді.
Орын тек сіз «Келісемін» басқаннан кейін ғана жіберіледі. Келісімнен бас тартсаңыз, орын тарихыңыз, умра барысы мен пікірлеріңіз дереу өшіріледі. Топтағы басқа қажылар сізді тек өзіңіз «Топқа орнымды көрсету» қоссаңыз ғана көреді. Бұл құтқару қызметі емес.
Қандай деректер жиналады және не үшін
| Дәл орын (GPS), фондық режимде де | гид сізді картада көріп, адасып қалсаңыз табуы үшін; жиналу орнына кім жеткенін білу үшін. Тек сіз келісім беріп, бақылауды қосқанда ғана жіберіледі; кез келген уақытта тоқтатуға болады. |
|---|---|
| Аты-жөні, телефон нөмірі | гид пен топ сізді тануы және сізге қоңырау шалуы үшін. Агенттік енгізеді немесе өз тобыңызда өзіңіз жазасыз. |
| Құрылғы коды және құпия кілт | сіздің телефоныңызды топқа байланыстыру үшін (жарнамалық ID емес). |
| SOS / «Адасып қалдым» хабары | гидке дабыл беру үшін. Медициналық карта тек сіз «SOS-пен бірге жіберу» қоссаңыз ғана қосылады. |
| Умра барысы (тауап/сағи кезеңі) | гид топтың қай кезеңде екенін көруі үшін. |
| Батарея деңгейі | телефон өшіп қалмас бұрын гидке ескерту үшін. |
| Қақпа туралы пікір (қалауыңызша) | басқа қажыларға қақпа жабық па, көп адам ба екенін көрсету үшін. |
| Қате туралы есеп, диагностика (координатсыз) | қосымшаның ақауларын түзету үшін: нұсқа, телефон моделі, қате мәтіні. |
Тек телефонда қалатын деректер
Медициналық карта, қонақүйіңіз, сапар күндері, таңдаулылар, Құран бетбелгілері, санағыштың сенсор журналы. Журналды тек сіз «Журналды бөлісу» бассаңыз ғана өзіңіз таңдаған адамға жібересіз.
Кіммен бөлісеміз
- Тобыңыздың гиді мен агенттігі (топ тақтасы, дашборд).
- Топтағы басқа қажылар — тек сіз «Топқа орнымды көрсету» қоссаңыз.
- Отбасыңыз — тек сіз отбасы сілтемесін жасасаңыз (24 сағ / 72 сағ / сапар соңына дейін, кез келген уақытта тоқтатылады).
- Деректер сатылмайды, жарнама мен бақылау (tracking) жоқ, аналитика SDK-лары жоқ.
- Сервер: өз серверіміз. Желі трафигі Cloudflare арқылы шифрланып өтеді.
Телефон тікелей хабарласатын сервистер
Ауа райы (open-meteo.com, Мекке/Мәдина координаттарымен, сіздің орныңызсыз), валюта бағамы (open.er-api.com), Құран аудармасы (quranenc.com), қари дауысы (everyayah.com), Мәдина мусхафы беттері (qurancomplex.gov.sa). Олар тек сіздің IP мекенжайыңызды көреді.
Қауіпсіздік
Барлық байланыс HTTPS арқылы. Әр құрылғыда жеке құпия кілт бар (серверде тек хэші сақталады). Дашбордқа тек логин мен құпия сөзбен кіреді.
Қандай деректер және қанша уақыт сақталады
| Орын тарихы | сапар біткен соң 7 күн, ең көбі 30 күн |
|---|---|
| Соңғы белгілі орын | дәл солай (7 / 30 күн) |
| SOS / «адасып қалдым» оқиғасының координаттары, медициналық карта | сапар біткен соң 7 күнде өшіріледі; оқиғаның өзі (түрі, уақыты) қалады |
| Умра барысы (тауап/сағы кезеңі) | 48 сағат |
| Қақпа туралы пікірлер | 6 сағат көрінеді, 24 сағатта өшіріледі |
| Қате туралы есептер (координатсыз) | 30 күн |
| Медициналық карта | тек телефонда; серверге тек SOS кезінде және сіз рұқсат берсеңіз ғана жіберіледі |
Веб-нұсқа орынды тек бет ашық тұрғанда жібереді. Фондық режимде (экран сөнгенде) жіберу үшін Android қосымшасы керек. Веб-нұсқа cookie, жарнама немесе аналитика қолданбайды; баптаулар тек сіздің браузеріңізде сақталады.
Деректерді жою және құқықтарыңыз
- Қосымшада: Баптау → «Деректерімді жою» — серверде сізге қатысты бәрі (аты, телефоны, орын тарихы, SOS координаттары) дереу жойылады, телефондағы деректер де тазаланады.
- Қосымшаны өшіріп тастасаңыз: goumra.kz/delete бетінде кодыңызды жазыңыз.
- Келісімді қайтарып алу: Баптау → «Келісімнен бас тарту» — орын тарихы дереу өшіріледі.
- Сұрақ немесе деректеріңіздің көшірмесі керек болса: WhatsApp арқылы жазыңыз.
Балалар
GoUMRA балаларға арналмаған. 16 жасқа толмаған бала агенттік тобында тек ата-анасының (қамқоршысының) келісімімен тіркеледі; ондай жағдайда келісімді және баптауларды ата-анасы басқарады.
GoUMRA құтқару қызметі емес: SOS гидке жіберіледі. Төтенше жағдайда 911 (Сауд Арабиясы) нөміріне қоңырау шалыңыз.
Саясат өзгерсе, жаңа нұсқаны осы бетте жариялаймыз және қажет болса қосымшада қайта келісім сұраймыз.
Мазмұн және лицензиялар
- Құран мәтіні: Tanzil Project (Uthmani v1.1), tanzil.net, CC BY 3.0 — өзгеріссіз.
- Мәдина мусхафы беттері: Фаһд патша кешені (dm.qurancomplex.gov.sa) — тек Android қосымшасында, баспагердің сайтынан тікелей жүктеледі.
- Карта: © OpenStreetMap contributors (ODbL), © OpenMapTiles. Бағдарламалар: MapLibre GL JS (BSD-3), PMTiles (BSD-3).
- Қаріптер: Amiri Quran, Noto Sans Arabic UI (SIL OFL 1.1).
- Харам имамдары: Екі қасиетті мешіт істері жөніндегі бас басқарма — haramainflags.prh.gov.sa (дереккөз сілтемесімен).
- Намаз уақыты: Умм әл-Құра әдісі бойынша телефонда есептеледі.
- Умра қадамдары мен дұғалар — ЖОБА: имамның (ҚМДБ) тексеруі күтілуде; тексерілмеген жерлер белгіленген.